A Fundación Galiza Sempre xunto co Comité de Solidariedade Internacionalista, Mar de Lumes, organiza para mañá, martes 25 de xaneiro un encontro co xornalista e analista de política internacional Victor Ternovsky.

O encontro forma parte do ciclo Diálogos desde a Periferia, iniciado hai case dous anos e nos que pretende achegar a Galiza a realidade internacional da man das e dos seus protagonistas. O vindeiro encontro pretende abordar a situación actual da Ucranía a través dun acto que leva por título Chaves para entender a situación en Ucraína.

Esta nova cita do ciclo poderá seguirse de forma telemática a través da páxina de Facebook da Fundación Galiza Sempre ás 20:00 e co noso convidado repasaremos o conflito desde 2014, analizaremos a situación actual da Ucranía e a intervención da OTAN no territorio.

Victor Ternovsky vive en Moscova, é xornalista de Sputnik desde 2011 onde dá cobertura mediática na súa especialidade, estudos iberoamericanos e política internacional.