A Fundación Galiza Sempre colabora coa Fundació Josep Irla na presentación na Galiza do libro A la sobirania per l’esquerra. Una anàlisi de l’auge d’ERC, EH Bildu i BNG.

O ensaio que vén de recibir o premio Josep Irla é autoría do historiador Andreu Pujol e o politólogo Silvio Falcón. Nel, os seus autores analizan a evolución histórica das tres forzas políticas de referencia do soberanismo de esquerdas en Euskadi, Galiza e Catalunya. Tres experiencias políticas, tres sociedades a quen representar, tres traxectorias heteroxéneas e un obxectivo común: construír un proxecto social e político en chave de esquerda nacional.

A partir da análise de cada caso, das entrevistas realizadas a cada dirixente político, así como das comparacións con outras correntes europeas soberanistas, os autores conseguen mostrar un mapa sólido das estratexias presentes e futuras das esquerdas nacionais.

A presentación terá lugar o mércores 25 de xaneiro ás 20h na Libraría Cartabón de Vigo.