Un ano máis en colaboración co BNG da comarca de Compostela desde a Fundación Galiza Sempre organizamos dous actos para conmemorar a figura de Rosalía de Castro no mes do seu nacemento.

O primeiro terá lugar en Padrón o xoves 23 coincidindo co aniversario de nacemento, un mural colectivo desde as 10:30 ate as 13:30 no Paseo do Espolón.

O segundo será o luns 27 en Santiago de Compostela,  na tenda de viños Vide, Vide! (rúa da Fonte de Santo Antonio, 10) baixo o título Vixencia do pensamento e novas descubertas en Rosalía. O acto estará conducido pola portavoz do BNG en Santiago, Goretti Sanmartín e participarán carme Adán, catedrática de Filosofía e Sagrario Abelleira, investigadora sobre a figura de Rosalía.